2024 වසර සඳහා වන විසර්ජන පනත් කෙටුම්පත (Budget 2024) දෙවන වර කියවීමේ විවාදයේ ඡන්ද විමසීම වැඩි ඡන්ද 45කින් ජයග්‍රහණය කළා.
ඒ දින හතක් මුලුල්ලේ පැවති දෙවන වර කියවීමේ විවාදයේ ඡන්ද විමසීමෙන් අනතුරුවයි. ඒ අනුව අදාළ විසර්ජන පනත් කෙටුම්පතට පක්ෂව ඡන්ද 122ක් ද, විපක්ෂව 77ක් ද වශයෙන් ලැබී තිබුණා.
ජනාධිපති රනිල් වික්‍රමසිංහ මහතා මුදල් අමාත්‍යවරයා ලෙස පසුගිය නොවැම්බර් මස 13 වැනි දා ලබන වර්ෂය සඳහා වූ අයවැය පාර්ලිමේන්තුවට ඉදිරිපත් කළ අතර එහි දක්වා ඇති සම්පූර්ණ වියදම් ප්‍රමාණය රුපියල් තුන්දහස් අටසිය හැට බිලියන අටසිය හතලිස් හය මිලියන හත්ලක්ෂ අසූඅට දහසක් වනවා.
මෙවර අයවැයේ රුපියල් බිලියන 2651ක් පුනරාවර්තන වියදම්වන අතර එය සම්පූර්ණ වියදම්වලින් 68.67%ක කොටසක් ගනු ලැබුවා.
අයවැය තෙවන වර කියවීමේ විවාදය හෙට දිනයේ සිට දෙසැම්බර් 13 වන දින දක්වා පැවැත්වීමට නියමිතයි.
මහජන නියෝජිතයින් ජන්දය භාවිතා කල ආකාරය පහතින්,
