රජය ආනයන සීමා ලිහිල් කිරීමත් සමග අධික ලෙස ඉහල ගොස් තිබු මෙරට පාවිච්චි කරන ලද වාහන මිල වේගයෙන් අඩුවෙමින් පවතිනවා.
Toyota Lanka සමගම විසින් සංචාරක ක්ෂේත්‍රයේ භාවිතය සඳහා ආනයනය කිරීමට අවසර දී ඇති නව HiAce වෑන් රථ අලෙවිය සඳහා ඉරිදා පුවත්පත් වල වෙළඳ දැන්වීම් පළ කර තිබුනා.
එම දැන්වීම අනුව වෑන් රථ අධික මිල ගණන් යටතේ විකුණන වෙළඳ නියෝජිතයන් විමතියට පත් කර තිබෙනවා.
ආසන 13කින් යුත් HiAce auto වෑන් රථයක මිල මෙම දැන්වීමේ දක්වා ඇත්තේ රුපියල් මිලියන 15.5ක් ලෙසයි. නමුත් දැනට මෙරට වෙළඳපොලේ 2019 HiAce වෑන් රථයක විකුණන මිල වන්නේ රුපියල් මිලියන 32.5ක්.
Toyota හි අලෙවි නියෝජිතයෙක් පැවසුවේ, නවතම වෑන් රථයක මිලට ආසන්න වශයෙන් රුපියල් මිලියන 7.0 ක බදු මුදලක් ඇතුළත් බවයි.
සංචාරක මණ්ඩලයේ ලියාපදිංචි පුද්ගලයින්ට මෙම වෑන් රථ ආනයනය කළ හැකිය.
ශ්‍රී ලංකා රුපියල තවදුරටත් ඉහළ ගියහොත් ජපානයෙන් ආනයනය කරන මෙම වාහනවල ආනයන මිල තවදුරටත් අඩුවිය හැකිය.
ශ්‍රී ලංකා මහ බැංකුවට අනුව මේ වසරේ පමණක් ශ්‍රී ලංකා රුපියල ජපාන යෙන් මුදලට (yen)සාපේක්ෂව සියයට 20 කින් ඉහළ ගොස් තිබේ.
සැප්තැම්බර් 15 සිට ඔක්තෝම්බර් 15 දක්වා කාලය තුළ පැවැත්විය යුතු ජනාධිපතිවරනයට පෙර, රජය වාහන ආනයන තහනම ලිහිල් කළහොත් පාවිච්චි කල වාහන වල මිලගණන් තවත් පහත වැටෙනු ඇතැයි අපේක්ෂා කෙරේ.
