තම හැකියාව හා විශ්වාසය මුල්කරගෙන කරන ඕනෑම කටයුත්තක අවසානය වන්නේ සාර්ථකත්වයයි. විටෙක එයම තම ජීවන ගමන් මග එළි පෙහෙළි කරන පහන් වැටක්ද වනු ඇත. තව තවත් එහි අපූර්වත්වය රැඳී පවතින්නේ තමා ආ ගමන් මග බාධක කම්කටොලු සියල්ල පරයා තම අපිරිමිත උත්සාහය හා විශ්වාසය මත පදනම්ව ඒ වෙනුවෙන් කැපවුණු අයකුටය. මෙසේ තම හැකියාවලින් මෙන්ම නවතාවයෙන් යුත් නිර්මාණ වෙළෙඳපොළට ඉදිරිපත් කළ ඇය මේනකා අමරසිංහයි.
තම හැකියාව හා නිර්මාණශීලීත්වය මුල් කර ගනිමින් නවතාවයෙන් යුතු වෙඩින් කාඩ්ස් සහ වෙඩින් කේක්, බොක්සස් වෙළඳපොළට ඉදිරිපත් කිරීමට ඇය මුල් වූවාය. මුලින්ම තම ව්යාපාර කටයුතු අන්තර්ජාලය මුල් කරගනිමින් fairyhopes.lk නමින් ආරම්භ කළ ඇය මේ වන විට අභියෝග රැසක් පසුකරමින් තම ව්යාපාරය ඉහළටම ඔසවා තබන්නට සමත් වී සිටින්නීය. සාම්ප්රදායිකත්වයෙන් මිදුණු වෙඩින් කාඩ්ස් සහ වෙඩින් කේක් බොක්සස් දැව මුල්කරගෙන නිර්මාණය කරන්නට ද ඇය සමත්ව සිටින්නීය.
ඇයගේ නව්ය ප්රවේශය සහ ගුණාත්මකභාවය සඳහා වූ කැපවීම හේතුවෙන් 2021 වසරේ ‘ශ්රී ලංකා වනිතාභිමාන’ සම්මානය ද ඇයට හිමිවිය
“මම ඉස්කෝලේ ගියේ ගාල්ලේ ශ්රී හෘදය කන්යාරාමයට. වැඩිදුර අධ්යාපනය හදාරන්න ව්යාපාර කළමනාකරණ ආයතනයට ඇතුළු වුණා. ඉන් පස්සේ බස්නාහිර පළාත් මාර්ග සංවර්ධන අධිකාරියේ රැකියාවකට යොමු වුණා. ඒත් කාර්යබහුලත්වය වැඩි නිසා මම රැකියාවෙන් ඉවත් වුණා. පස්සේ තමයි කල්පනා කළේ මගේ තියෙන හැකියාවලින් ප්රයෝජන ගන්න. මුල ඉඳලාම මගේ වැඩ පටන් ගත්තේ අන්තර්ජාලය මුල් කරගෙන. ඔන් ලයින් බිස්නස් එකක් කරනවා කියන්නේ ගොඩක් දෙනෙක් අතරට යන්න පුළුවන් අවස්ථාවක්. ඒ හින්දා මුලින්ම http://fairyhopes.lk/ කියලා මගේ එෆ් බී පේජ් එකකින් (https://web.facebook.com/fairyhopes.lk) වැඩ පටන් ගත්තා.
මේ දේවල් ගොඩක් නිර්මාණය වෙන්නේ හෑන්ඩ් මේඩ් විදිහට. ඒත් මම මුල ඉඳලම මගේ ව්යාපාරය ප්රමිතියකට කරන්න බලාපොරොත්තුවෙන් හිටිය නිසා මැෂින්වලින් තමයි මගේ මේ හැම නිර්මාණයක්ම නිපදවෙන්නේ. හැමදේම බදාගන්නේ නැතුව මේ දේවල් විතරක් බාර ගන්න නිසා එකම අංශයක ඉන්නකොට හොඳ නිර්මාණ බිහි වීමේ අවස්ථාව වැඩියි. ඉස්සර නම් මේ දේවල් සිද්ධ වුණේ විවිධ පැහැ කොළවලින්, රිබන්වලින්. ඒත් මම මගේ ව්යාපාරය ලේසර් කට්වලින් නිර්මාණ කරන තැනටම ගොඩ නඟාගත්තා. මේ දේවල් නිසා වෙඩින් කාඩ්ස්, බොක්සස්වලට තියෙන ඉල්ලුම වැඩි වුණා. ලී වලින් කාර්ඩ් සහ බොක්සස් නිර්මාණය කිරීම ගොඩක් දෙනකුට අමුත්තක් වුණා.
මම මේ ව්යාපාරය පටන් ගත්තේ හරිම පොඩියට. පටන් ගත්ත දවසේ ඉඳලා ඔයාට මේක කරන්න බැහැ, මේක හරියන්නේ නෑ, සාර්ථකත්වයක් ගන්න බෑ වගේ දේවල් ගොඩක් අය කියන්න පටන් ගත්තා. හැමදේකින්ම මට අහන්න ලැබුණේ මානසික මට්ටම පහතට ඇද දාන දේවල්. ඒත් මට අම්මයි තාත්තයි සෑහෙන හයියක් වුණා. ඕන කරන මැෂින් පවා ගොඩක් දේවල් අරන් දුන්නෙ මගේ තාත්තා. පවුලේ අය හැමවෙලේම මාත් එක්ක හිටියා.
බොහෝ දේ රැඳී ඇත්තේ තම ආත්ම ශක්තිය මතයි. නොසැලෙන මනසකින් තම හැකියා හා ඒකාත්මික විය හැකිනම් අනාගතය දෙස සුබවාදීව බැලිය හැකි නම් එතන ඇත්තේ ඕනෑම අයකුගේ ජයග්රහණයයි. සිහින ගොඩනැඟෙන්නේ ඒ මතිනි. ඒ සිහිනවලට අර්ථයක් එක් කළ හැක්කේද නොසැලෙන මනසකින් හා දැඩි ආත්ම ශක්තියෙන් යුතු අයකුටය.
ගොඩක් අය මගේ මානසික මට්ටම වැටෙන විදියට යම් යම් දේවල් කියපු නිසා මම තේරුම් ගත්තා ඒ අය එහෙම කියන්නේ මෙතන සාර්ථකත්වයක් තියෙන නිසාම තමයි කියලා. එතන ඉඳලා මම මගේ ගමන පටන් ගත්තා. ඇත්තටම මට වැරදුණේ නැහැ. මම කරන නිර්මාණවලට ගොඩක් අයගෙන් පැසසුම් ලැබුණා. ඇණවුම් එන්නත් පටන් ගත්තා.
වැඩියෙන්ම ඇණවුම් ලැබුණේ ලී වලින් කරන වෙඩින් කාඩ්ස් වලට වගේම කේක් බොක්සස්වලට. ලේසර් කට් නිර්මාණවලටත් ගොඩක් දෙනෙක් කැමැතියි. මට වැඩිපුර ඇණවුම් ලැබෙන්නේ විදේස් රටවලින්. ලංකාවට ඇවිත් විවාහ වෙන්න ඉන්න අය ගොඩක්ම ඔන්ලයින් ඕඩර්ස් බාර දෙනවා. මම දකින විදිහට ඕනෑම කෙනකුට යම් යම් දේවල් සම්බන්ධයෙන් විශේෂිත වූ හැකියාවක් තියෙනවා. ඒ අතරින් කාන්තාව සුවිශේෂයි. ඒ දේවල් මතු කර ගැනීම අපේ වගකීමක්. මම මේ තැනට ආවේ උත්සාහය නිසාමයි.
මම හැම වෙලාවෙම පරණ නිර්මාණ මතම ඉන්නේ නෑ. හැමදාමත් අලුත් අලුත් දේවල් එකතු කරන්නයි බලන්නේ. ඉතින් ගොඩක් වෙලාවට ඒක සාර්ථකයි. මට කියන්න තියෙන එකම දේ තමයි තම හැකියාව හා විශ්වාසය පිළිබඳ හොඳ අවබෝධයකින් ඉන්නව නම් ජීවිතය ජය ගන්න එක එච්චර අමාරු වෙන්නෙ නෑ.
මේ වන විට මේනකා තම නිර්මාණශීලීත්වය මෙන්ම හැකියාද මුල්කර ගනිමින් සාර්ථක ව්යාපාරයක හිමිකාරිණියක් බවට පත්ව සිටීයි. අන්තර්ජාලය ඔස්සේ තම ව්යාපාරය ආරම්භ කළ ඇය මේ වන විට තමාටම අයත් ව්යාපාරික ස්ථාන දෙකක් ගාල්ල සහ නුගේගොඩ නගරයේ පවත්වාගෙන යන්නට තරම් හැකියාවලින් පොහාසත්ය. යම් විටෙක මේනකා ගේ කතාව හෙට දිනයේ ඔබේ කතාවද විය හැකියි.
Call / Whatsapp: 076 535 7799
![](https://ceylonnewsfactory.lk/wp-content/uploads/2024/04/213938268_553378112742778_6749516472041850049_n-1024x768.webp)
![](https://ceylonnewsfactory.lk/wp-content/uploads/2024/04/240109104_569998301080759_6318457840535570758_n-1024x768.webp)
![](https://ceylonnewsfactory.lk/wp-content/uploads/2024/04/272195228_662863248460930_5153168273595555961_n.webp)
![](https://ceylonnewsfactory.lk/wp-content/uploads/2024/04/fairyhopes-682x1024.webp)
![](https://ceylonnewsfactory.lk/wp-content/uploads/2024/04/WhatsApp-Image-2024-03-03-at-3.54.19-PM-2-1024x772.webp)
![](https://ceylonnewsfactory.lk/wp-content/uploads/2024/04/WhatsApp-Image-2024-03-03-at-3.54.20-PM-1024x678.webp)
![](https://ceylonnewsfactory.lk/wp-content/uploads/2024/04/WhatsApp-Image-2024-03-03-at-3.54.20-PM-1-1024x781.webp)
![](https://ceylonnewsfactory.lk/wp-content/uploads/2024/04/WhatsApp-Image-2024-03-09-at-11.22.28-PM-1024x768.webp)
![](https://ceylonnewsfactory.lk/wp-content/uploads/2024/04/WhatsApp-Image-2024-03-09-at-11.23.17-PM-1024x768.webp)
![](https://ceylonnewsfactory.lk/wp-content/uploads/2024/04/WhatsApp-Image-2024-03-09-at-11.23.17-PM-1-1024x768.webp)
![](https://ceylonnewsfactory.lk/wp-content/uploads/2024/04/WhatsApp-Image-2024-03-29-at-11.27.09-AM-1-1024x768.webp)
![](https://ceylonnewsfactory.lk/wp-content/uploads/2024/04/121228115_366054444808480_1170413495294891955_n-879x1024.webp)
![](https://ceylonnewsfactory.lk/wp-content/uploads/2024/04/74974790_132635054817088_2933324713113419776_n.webp)
![](https://ceylonnewsfactory.lk/wp-content/uploads/2024/04/107043365_287841502629775_3036234542989902995_n.webp)
![](https://ceylonnewsfactory.lk/wp-content/uploads/2024/04/110338961_298888924858366_3293275758305445632_n-1024x768.webp)
![](https://ceylonnewsfactory.lk/wp-content/uploads/2024/04/119483699_344430146970910_1089874833844312679_n-683x1024.webp)