කොළඹ විශ්ව විද්‍යාලයේ ශ්‍රිපාලී මණ්ඩපයේ 2018/2019 (සිව්වන) වසර සිනමා විද්‍යාර්ථයින් විසින් නිෂ්පාදනය කරනු ලබන “සලංගෛ” සිනමා නිර්මාණය අප්‍රේල් මස 8 වන දින සවස 3.00ට කොළඹ විශ්වවිද්‍යාලයේ ශ්‍රී පාලී මණ්ඩපයේ Mini Theater හි දී තිරගත වේ.
මෙහි සුවිශේෂත්වය වන්නේ ශ්‍රීපාලි මණ්ඩපයේ මෙතෙක් නිෂ්පාදනය වූ ප්‍රථම වෘතාන්ත චිත්‍රපටය මෙය වීමයි.
ශ්‍රී පාලි මණ්ඩපයේ අවසන් වසර සිනමා අධ්‍යන විද්‍යාර්ථින් වන දිදුල ඉඳුවර, රොෂෙල් ප්‍රනාන්දු, තුෂරි සිංහාරමුදලිගේ, නෙත්සරණි දිසානායක, හිරුෂි අංජනා, සචිනි කේෂිකා, අමායා ඉඳුවරී, පූර්ණමාලා උදයංගනී යන විද්‍යාර්ථින්ගේ මෙම චිත්‍රපටය නිර්මාණයට දායක වී ඇත.
කොළඹ විශ්වවිද්‍යාලයේ ශ්‍රී පාලි මණ්ඩපයේ ජ්‍යෙෂ්ඨ කථිකාචාර්ය චතුරිකා නිමලචන්ද්‍ර, කථිකාචාර්ය නුවන් බණ්ඩාර සහ සහය කථිකාචාර්ය චතුර විමර්ශ පෙරේරා යන කථිකාචාර්යවරුන්ගේ අධීක්ෂණය යටතේ මෙම චිත්‍රපටය නිර්මාණය වී ඇත.
මෙය නොබෝ දිනකින් දිවයින පුරා සිනමා ශාලා වන්හි ප්‍රදර්ශනයට මුදාහැරීමට බලාපොරොත්තු වේ
