එළැඹෙන උත්සව සමයේදී අත්‍යවශ්‍ය ආහාර ද්‍රව්‍ය ආහාර ද්‍රව්‍ය හිගයකින් තොරව, සාධාරණ මිලට ලබා ගැනීමට හැකි පසුබිමක් නිර්මාණය කර තිබෙන බව පශු සම්පත් සංවර්ධන රාජ්‍ය අමාත්‍ය ඩී.බී. හේරත් මහතා පැවසීය.
අමාත්‍යවරයා මේ බව සඳහන් කලේ, “ස්ථාවර රටකට සැවොම එක මඟකට” මැයෙන් අද (21) ජනාධිපති මාධ්‍ය කේන්ද්‍රයේ පැවති මාධ්‍ය සාකච්ඡාවකට එක් වෙමිනුයි.
ගොවියත් පාරිභෝගිකයත් සුරැකෙන ක්‍රමවේදයක් ඔස්සේ එම වැඩපිළිවෙළ ක්‍රියාත්මක කරන බව ද මෙහිදි රාජ්‍ය අමත්‍යවරයා සඳහන් කර සිටියා
වැඩිදුරටත් අදහස් දැක්වූ අමාත්‍යවරයා සදහන් කර සිටියේ ජනතාවගේ ප්‍රෝටීන අවශ්‍යතාවය සඳහා මස් සහ බිත්තර නිෂ්පාදනයෙන් රට ස්වයංපෝෂිත කර තිබෙන බවත් සත්ව නිෂ්පාදනය සහ කිරි නිෂ්පාදනය ඉහළ නැංවීමට රජය නව වැඩපිළිවෙළවල් කිහිපයක් ක්‍රියාත්මක කර ඇති බවත්ය.
ඒ අනුව සෞඛ්‍ය දෙපාර්තමේන්තුව සහ පළාත් සභා 9 එක්ව සත්ත්ව පාලනයේ ගුණාත්මකභාවය ඉහළ නැංවීම වෙනුවෙන් කටයුතු කර ඇති අතර ප්‍රංශ ආධාර ඇතිව කිරි නිෂ්පාදන වැඩි කිරීම සඳහා කර්මාන්තශාලා 6ක් විවෘත කිරීමට සැලසුම් කර තිබෙන බවත් ඉන් කර්මාන්තශාල 3ක් මේ වනවිට විවෘත කර ඇති බවත් අමාත්‍යවරයා සඳහන් කළා.
ජාතික අලුත් සහල් මංගල්‍යය ලබන මාසයේ 6 වෙනිදා ශ්‍රි මහ බෝ සමිඳුන් අභියසදී ජනාධිපති රනිල් වික්‍රමසිංහගේ ප්‍රධානත්වයෙන් පැවැත්වීමට කටයුතු සංවිධානය කර ඇති බව ද අමාත්‍යවරයා මෙහිදී සඳහන් කළා.
