- පිටිගලදී දී එක් පුද්ගලයෙක් වෙඩි තබා මරා දමයි.03කට තුවාලයි.
- අම්බලන්ගොඩ දී 02ක් වෙඩි තබා මරා දමයි.03කට තුවාලයි.
අද (11) රාත්‍රියේ 8.30න් පසු එළඹෙන පැයක කාලයක් තුළ වෙඩි තබා ඝාතනය කිරිම් තුනක් වාර්තා වී ඇත. වෙඩි තැබීම්වලින් පුද්ගලයින් හය දෙනෙක් තුවාල ලබා තිබේ.
අද රාත්‍රී 08ට පමණ පිටිගල පොලිස් වසමේ ගුරුවල ප්‍රදේශයේ දී වෙළඳසලක් අසල දී පුද්ගලයෙක් වෙඩි තබා එම ස්ථානයේ දීම ඝාතනය කර තිබිණි. වෙඩි ප්‍රහාරයෙන් තුවාල ලද කාන්තාවක් සහ පිරිමි පුද්ගලයින් දෙදෙනෙක් තුවාල ලබා ගල්ළිඳ ප්‍රාදේශීය රෝහල වෙත ඇතුළත් කර තිබේ. යතුරු පැදියකින් පැමිණි නාඳුනන ඝාතකයින් දෙදෙනෙක් විසින් ටී.56 ගිනි අවියකින් වෙඩි තබා මෙම අපරාධය සිද්ධ කර තිබිණි.
එමෙන්ම අද රාත්‍රි 9ට අම්බලන්ගොඩ පොලිස් වසමේ ගලගොඩ ප්‍රදේශයේ දී වෙළෙඳ සලක් තුළ දී නාඳුනන ඝාතකයින් දෙදෙනෙක් විසින් පුද්ගලයින් දෙදෙනෙක් වෙඩි තබා ඝාතනය කර තිබිණි.
එම වෙඩි ප්‍රහාරයෙන් තවත් පුද්ගලයන් දෙදෙනෙක් බරපතල තුවාල ලබා ඇත. තුවාලකරුවන් බලපිටිය රෝහල වෙත ඇතුළත් කර ඇත. අම්බලන්ගොඩ පොලිසිය වැඩිදුර පරීක්ෂණ පවත්වයි.