සබරගමුව විශ්ව විද්‍යාලයේ ඉගෙනුම ලබන ජ්‍යෙෂ්ඨ සිසුන් 06 දෙනෙකු සමනල වැව පොලිසිය විසින් අද (14) අත්අඩංගුවට ගෙන තිබෙනවා.
ඒ, සබරගමුව විශ්ව විද්‍යාලයේ කෘෂි විද්‍යා පීඨයේ දෙවැනි වසරේ ඉගෙනුම ලබන සිසුවියකට සහ සිසුන් දෙදෙනකුට පහරදීමේ සිද්ධියට සම්බන්ධවයි.
පසුගිය පෙබරවාරි 09 වැනිදා රාත්‍රියේ විශ්ව විද්‍යාලයේ ආපනශාලාවේදී එම පහරදීම සිදුකර ඇති බව සඳහන්.
එහිදී පහර කෑමට ලක්වූ සිසුවියක සහ සිසුන් දෙදෙනෙකු තුවාල ලබා රෝහල්ගත කෙරුණා.
මෙම සිදුවීමට සම්බන්ධ සිසුන් 7 දෙනෙකු මීට පෙර පොලිසිය විසින් අත්අඩංගුවට ගෙන බලංගොඩ අධිකරණයට ඉදිරිපත් කිරීමෙන් අනතුරුව රක්ෂිත බන්ධනාගාරගත කර තිබුණා.