මීරිගම මූලික රෝහලේ ළමා වාට්ටුවට පෙරේදා (08) අලුයම නිරුවතින් පැමිණි පුද්ගලයෙකු නිසා එම වාට්ටුව තුළ නොසන්සුන් තත්ත්වයක් ඇති වී තිබෙනවා.
ඇගේ නූල් පොටක්වත් නොමැතිව ළමා වාට්ටුවට ඇතුළු වූ එම පුද්ගලයා අදාළ වාට්ටුවේ නේවාසිකව ප්‍රතිකාර ලබමින් සිටි 13 හැවිරිදි දැරියක නිදාගෙන සිටි ඇඳ මත වාඩි වී සිට ඇති බවයි මූලික පොලිස් පරීක්ෂණවලදී අනාවරණය වී ඇත්තේ.
එම දැරිය අලුයම අවදි වන විට තමා නිදා සිටි ඇඳ මත නිරුවතින් පුද්ගලයකු වාඩි වී සිටින අයුරු දැක බිය වී කෑ ගසා ඇති බවයි වාර්තා වන්නේ.
දැරියගේ කෑ ගැසීම නිසා නිරුවත් පුද්ගලයා වාට්ටුවෙන් පලා ගොස් ඇති අතර රෝහල මගින් මේ බව මිරිගම පොලිසියට දන්වා ඇති බවයි.
පොලිස් නිලධාරීන් එහි පැමිණ පරීක්ෂණ ආරම්භ කර සිද්ධියට මුහුණ පෑ දැරියගෙන්ද ප්‍රකාශයක් සටහන් කරගෙන තිබෙනවා.