මුළුතැන් ගෙය තුළ මවගේ අත් පා බැඳ දමා 13 හැවිරිදි දියණිය කාමරයකට ඇදගෙන ගොස් දූෂණය කළේ යැයි කියන පුද්ගලයකු ඊයේ (09) මිනුවන්ගොඩ පොලිසිය විසින් අත්අඩංගුවට ගෙන තිබෙනවා.
අදාළ පුද්ගලයා එම මව සමඟ අනියම් සබඳතාවයක් පවත්වාගෙන ගොස් ඇති බවයි මූලික පොලිස් පරීක්ෂණවලදී අනාවරණය වී ඇත්තේ.
මෙසේ අත්අඩංගුවට ගෙන ඇත්තේ කුරුණෑගල ප්‍රදේශයේ පදිංචි වයස අවුරුදු 34ක් වන පුද්ගලයෙක්.
මෙම පුද්ගලයා බීමතින් නිවසට පැමිණ මුළුතැන්ගේ තුළ තමන් බැඳ දමා, තම දියණිය කාමරයකට ඇදගෙන ගොස් දූෂණය කළ බවට මව විසින් මිනුවන්ගොඩ පොලිසියට පැමිණිල්ලක් කර තිබෙනවා.
ඒ අනුව අදාළ පුද්ගලයා අත්අඩංගුවට ගත් බවයි පොලිසිය සඳහන් කර සිටියේ.
කෙසේ වෙතත් දූෂණයට ලක්වුයේ යැයි කියන බාල වයස්කාර දැරිය වෛද්‍ය පරීක්ෂණයකට යොමු කිරීමට පොලිසිය කටයුතු කර තිබෙනවා.