පාන් ගෙඩියක නියමිත බර නොමැති වූවහොත් රුපියල් 10,000ක දඩයක් පැනවිය හැකි බව පාරිභෝගික කටයුතු පිළිබඳ අධිකාරිය පවසනවා.
එහි සභාපති ශාන්ත නිරිඇල්ල මහතා ප්‍රකාශ කළේ, මේ වනවිට අදාළ දඩ මුදල ක්‍රියාත්මක බවයි.
පාන් ගෙඩියක් සඳහා නියමිත බර සහ මිල ප්‍රදර්ශනය අනිවාර්ය බව පාරිභෝගික අධිකාරිය ගැසට් නිවේදනයක් නිකුත් කරමින් සඳහන් කළා.
ඇසුරුම් කිරීමේ, ගබඩා කිරීමේ සහ තොග වශයෙන් විකිණීමේ නිරත අයෙකු මෙන්ම සිල්ලර වෙලඳාමේ නිරතව සිටින සිල්ලර වෙලෙන්දාද නිශ්චිතව දක්වා ඇති බර අඩංගු විය යුතු බවට වගබලාගත යුතුයි.
පාන් රාත්තරලක උපරිම බර ග්‍රෑම් 450ක් වනවා. උපරිම වශයෙන් ඉන් ග්‍රෑම් 13.05ක් අඩු විය හැකියි.
එමෙන්ම පාන් භාගයක බර ග්‍රෑම් 225ක් විය යුතු අතර අඩු විය හැකි ප්‍රමාණය ග්‍රෑම් 09ක් බවයි පාරිභෝගික අධිකාරිය විසින් නිකුත් කළ ගැසට් පත්‍රයක දැක්වෙන්නේ.
මේ වනවිට වෙළෙඳපොළෙහි පාන් රත්තලක් රුපියල් 160කට අලෙවි කරන අතර පෙති කපන ලද පාන් රාත්තලක් සුපිරි වෙළෙඳසැල්වල අලෙවි කරනු ලබන්නේ රුපියල් 210කටයි.
කෙසේ වෙතත් වෙළෙඳපොළෙහි විවිධ මිල ගණන් යටතේ පාන් අලෙවි කරන බවටයි, පාරිභෝගිකයන් චෝදනා කළේ.
වෙළෙඳපොළේ පවතින පාන් බොහොමයක නියමිත බර නොපවතින බව සඳහන්.