කොළඹ – කටුනායක අධිවේගී මාර්ගයේ 11 වන කිලෝමීටර කණුව ආසන්නයේ අද (25) අලුයම සිදු වූ රිය අනතුරෙන් ජලසම්පාදන රාජ්‍ය අමාත්‍ය සනත් නිශාන්ත සහ ඔහුගේ ආරක්ෂාවට සිටි පොලිස් කොස්තාපල්වරයා මිය යාමේ සිද්ධියට අදාළව කන්ටේනර් රථයේ රියදුරු පොලිස් භාරයට ගෙන තිබෙනවා.
අධිවේගී මාර්ග පොලිස් ඒකකය සදහන් කළේ, ඉදිරි විමර්ශන සදහා ඔහු පොලිස් භාරයට ගත් බවයි.
කටුනායක දෙස සිට කොළඹ බලා ධාවනය වෙමින් තිබූ රාජ්‍ය අමාත්‍ය සනත් නිශාන්ත රැගත් ජිප් රථය ඉදිරියෙන් ධාවනය වූ කන්ටේනර් රථයක ගැටී අනතුරුව මාර්ගයේ ආරක්ෂිත වැටේ ගැටීමෙන් මෙම අනතුර සිදුවුණා.
සිද්ධියෙන් බරපතල තුවාල ලැබූ ජිප් රථයේ රියදුරු මේ වන විට රාගම ශික්ෂණ රෝහලේ ප්‍රතිකාර ලබනවා.