දක්ෂිණ අධිවේගී මාර්ගයේ බෙලිඅත්ත පිවිසුම අසල දී අපේ ජනබල පක්ෂයේ නායක සමන් පෙරේරා ඇතුළු පුද්ගලයන් පස්දෙනකු වෙඩි තබා ඝාතනය කිරීමේ සිද්ධිය මෙහෙයවූ පුද්ගලයා සහ පැමිණි ජීප් රථය පොලිසිය විසින් අත්අඩංගුවට ගෙන ඇත.
සමන් කුමාර නැමැති 54 හැවිරිදි එම පුද්ගලයා මෙම අපරාධය මෙහෙයවා තිබේ. ඔහු සහ පිරිස පැමිණ ඇත්තේ 65-2615 දරණ පැජරෝ මිට්සුබිෂි ජීප් රථයෙනි. මෙම සැකකරු වාහනයේ රියැදුරු ලෙස කටයුතු කර ඇත.
හක්මන පොලිස් ස්ථානාධිපති ඇතුළු නිලධාරීන් කණ්ඩායමක් විසින් මොහු සහ ජීප් රථය අත්අඩංගුවට ගෙන තිබේ.