අයි.සී.සී නවතම එක්දින හා 20යි 20 පන්දු යවන්නන් ශ්‍රේණිගත කිරීම්හි ඉදිරියට පැමිණීමට මහීෂ් තීක්ෂණ හා වනිඳු හසරංග සමත් ව තිබේ.
සිම්බාබ්වේ කණ්ඩායම සමඟ පැවැත්වෙන තරගාවලියේ දී දැක්වූ දක්ෂතා හේතුවෙන් ඔවුන් මෙලෙස ශ්‍රේණිගත කිරීම්හි ඉදිරියට පැමිණ ඇති බව සඳහන් ය.
ඒ අනුව එක්දින පන්දු යවන්නන් ශ්‍රේණිගත කිරීම්හි පළමු දස දෙනා අතර සිටින එකම ශ්‍රී ලාංකික පන්දු යවන්නා බවට පත්වෙමින් මහීෂ් තීක්ෂණ 08 වැනි වන ස්ථානයට පත් ව ඇත.
ස්ථාන 28ක් ඉදිරියට පැමිණෙමින් එක්දින පන්දු යවන්නන් ශ්‍රේණිගත කිරීම්හි 40 වැනි ස්ථානයට පත් ව ඇති වනිඳු හසරංඟ එක්දින තුන්ඉරියව් ක්‍රීඩකයන් අතර ද 17 වැනි ස්ථානයට පත් ව ඇති බව ජාත්‍යන්තර ක්‍රිකට් කවුන්සිලය පෙන්වා දෙයි.
වනිඳු හසරංග මේ වන විට 20යි 20 පන්දුයවන්නන් ශ්‍රේණිගත කිරීම් හි තෙවන ස්ථානයේත් මහීෂ් තීක්ෂණ එහි සිව්වන ස්ථානයේත් පසුවනවා.