මාධ්‍යවේදී ලසන්ත වික්‍රමතුංග මහතා සහ රගර් ක්‍රීඩක වසීම් තාජුඩීන් මහතා ඝාතනය කළේ කවුරුන්ද යන්න තමන් දන්නා බව හිටපු අමාත්‍ය මර්වින් සිල්වා මහතා පවසනවා.
කෙසේ වෙතත් ඒ සම්බන්ධයෙන් ඉදිරියේදී හෙළිදරව් කරන බවයි ඒ මහතා කියා සිටියේ.
ඒ සඳහා කදිම අවස්ථාව පැමිණෙනතුරු තමන් සිටින බවද මාධ්‍යවේදීන් හමුවේ ඔහු ප්‍රකාශ කළා.
ලසන්ත වික්‍රමතුංග මහතා සන්ඩේ ලීඩර් පුවත්පතේ ප්‍රධාන කතෘවරයෙකු වන අතර ඔහු එවකට තිබු මහින්ද රාජපක්ෂ ආණ්ඩුව දැඩි ලෙස විවේචනය කළ බවයි ඇතැම් පාර්ශව සඳහන් කළේ.
ඒ මහතා රැකියාවට යමින් සිටියදී ඝාතනයට ලක්වන්නේ 2009 වසරේ ජනවාරි මාසයේදීයි.
රගර් ක්‍රීඩක වසීම් තාජුඩීන් මහතා රිය අනතුරකින් මිය ගිය බව ප්‍රථමයෙන් ප්‍රකාශ කළ අතර අනතුරුව කියා සිටියේ එය රිය අනතුරක් ලෙස පෙනෙන ආකාරයෙන් සිදුකළ ඝාතනය කළ බවටයි.
