දකුණු ඉන්දීය මැතිවරණය පැවැත්වීම හේතු කරගෙන මෙවර ඉන්දීය ප්‍රිමියර් ලීග් තරගාවලියේ (IPL) තරග 03ක් ශ්‍රී ලංකාවට ලබාදෙන ලෙස සංචාරක හා ඉඩම්, ක්‍රීඩා හා යෞවන කටයුතු අමාත්‍ය හරීන් ප්‍රනාන්දු මහතා කළ ඉල්ලීමකට ඉන්දීය ක්‍රිකට් පාලක මණ්ඩල ලේකම් ජේ ෂා යහපත් ප්‍රතිචාර දක්වා තිබෙනවා.
ඒ අනුව එම තරග 03 සූරියවැව මහින්ද රාජපක්ෂ ජාත්‍යන්තර ක්‍රිකට් ක්‍රීඩාංගණයේ පැවැත්වීමට සැලසුම් කර තිබෙනවා.
අමාත්‍යවරයා මේ බව පවසා සිටියේ අද (11දා) පැවති මාධ්‍ය හමුවකදීය.
ශ්‍රී ලංකාවේ මත්තල, යාල ආශ්‍රිත සංචාරක කටයුතු ප්‍රවර්ධනය කිරීමේ එක් වැඩසටහනක් ලෙස මෙය ක්‍රියාත්මක කරන බව අමාත්‍ය හරීන් ප්‍රනාන්දු මහතා එහිදී වැඩිදුරටත් පවසා සිටියා.