මුලතිව්, වොඩියාර්කට්ටු කුරුවි ගම්මානයේ ළිඳකින් භූමිතෙල් හමු වීමට පටන් ගෙන ඇත්තේ යුද සමයේදී කොටි සංවිධානයේ ඉන්ධන ගබඩාවක ටැංකියක් සිදුරු වීමෙන් ගලා ආ භූමිතෙල් නිසා බව පුදුකුඩිඉරිප්පු පොලිස් නිලධාරීන් විසින් ඊයේ (08) සනාථ කරගෙන ඇති බවයි සඳහන් වන්නේ.
ඉඩම්හිමියා යුද සමයේදී සිය ඉඩම අතහැර ආරක්ෂිත ස්ථානයකට පලාගිය අවස්ථාවේදී කොටි සාමාජිකයින් ඔහුගේ ඉඩමේ ඉන්ධන ගබඩාවක් පවත්වා ගෙන ගොස් තිබෙනවා.
පසුව යුද්ධය දරුණු වනවිට කොටි සාමාජිකයින් ඉන්ධන පිරවුම්හලේ වළ දමා තිබූ ඉන්ධන ටැංකි අතහැර පලා ගොස් ඇති අතර, සාමය එළඹීමෙන් පසුව ඉඩමේ අයිතිකරු සිය ඉඩමට පැමිණ අති බවයි ඔහු සඳහන් කරන්නේ.
පසුගිය දිනවල ඇද හැළුණු අධික වර්ෂාවට පසුව ඉඩම් හිමියා සිය ගෙවත්තේ පිහිටි ළිඳ සම්පූර්ණයෙන් ඉස පිරිසිදු කිරීමෙන් පසුව ළිඳට අළුතින් එකතු වෙන ජලයේ වෙනසක් දැක තිබෙනවා.