අමෙරිකාව සහ බටහිර ඉන්දීය කොදෙව් දුපත් කේන්ද්ර කරගනිමින් පැවැත්වීමට නියමිත 2024 ලෝක කුසලාන පන්දුවාර 20 ක්රිකට් තරගාවලියේ තරග කාල සටහන එළිදක්වා තිබෙනවා.
මෙවර පන්දුවාර 20 ලෝක කුසලානය ලබන ජුනි මස 1 වැනිදා සිට ජුනි මස 29 දක්වා පැවැත්වීමට සැලසුම් කර තිබෙන අතර අමෙරිකාවේ ක්රීඩාංගණ 3කදී සහ කොදෙව් දේශයේ ක්රීඩාංගණ 6කදී තරගාවලිය පැවැත්වීමට සැලසුම් කර ඇති බවයි වාර්තා වන්නේ.
තරගාවලියට එක්වන කණ්ඩායම් 20 මුලික වටයේදී කාණ්ඩ 4කින් තරගවැදීමට නියමිතයි.
ශ්රී ලංකා කණ්ඩායම මුලික වටයේදී D කාණ්ඩයෙන් තරග වදින අතර එම කාණ්ඩයට ඇතුළත් සෙසු කණ්ඩායම් වන්නේ දකුණු අප්රිකාව, බංග්ලාදේශය ,නෙදර්ලන්තය සහ නේපාලයයි.
ඒ අනුව ශ්රී ලංකා කණ්ඩායම පන්දුවාර 20 ලෝක කුසලානයේ සහභාගී වන පළමු තරගයේදී දකුණු අප්රිකාව සමඟ ලබන ජුනි මස 3 වැනිදා නිව් යෝර්ක්හිදී තරග වැදීමට නියමිතයි.
අනතුරුව ඔවුන් බංග්ලාදේශ, නේපාලය සමඟ අමෙරිකාවේදීම තරග වදින අතර නෙදර්ලන්තය සමඟ කොදෙව් දේශයේ සාන්ත ලුසියාහිදී තරග වදිනවා.
එමෙන්ම ලොව වැඩිම අවධානය දිනා ගන්නා ඉන්දු – පාකිස්ථාන තරගය ජුනි මස 9 වැනිදා පැවැත්වෙන්නේ නිව්යෝර්ක්හිදීයි.
මෙවර පන්දුවාර 20 ලෝක කුසලානයේ අවසන් මහා තරගය ලබන ජුනි මස 29 වැනිදා කොදෙව් දේශයේ බාබඩෝස්හිදී පැවැත්වීමට නියමිතයි.
![](https://ceylonnewsfactory.lk/wp-content/uploads/2024/01/01-3.jpg)
![](https://ceylonnewsfactory.lk/wp-content/uploads/2024/01/02.jpg)
![](https://ceylonnewsfactory.lk/wp-content/uploads/2024/01/03.jpg)
![](https://ceylonnewsfactory.lk/wp-content/uploads/2024/01/04.jpg)
![](https://ceylonnewsfactory.lk/wp-content/uploads/2024/01/05.jpg)
![](https://ceylonnewsfactory.lk/wp-content/uploads/2024/01/06.jpg)
![](https://ceylonnewsfactory.lk/wp-content/uploads/2024/01/412812100_687163173486268_2297734873748536504_n-819x1024.png)