මුහුදුබඩ දුම්රිය කාලසටහන අද (01) සිට සංශෝධනය වන බව දුම්රිය දෙපාර්තමේන්තුව පවසනවා.
ඒ අනුව මෙතෙක් මාතර දුම්රිය ස්ථානයෙන් ගමන් ආරම්භ කළ රුහුණු කුමාරි දුම්රිය අද පෙරවරු 5.25ට බෙලිඅත්ත දුම්රිය ස්ථානයේ සිට ගමන් ආරම්භ කළා.
මෙතෙක් සතියේ දිනවල පමණක් ධාවනය වු සාගරිකා ශීඝ්‍රගාමී දුම්රිය සෙනසුරාදා දිනයේ ද ධාවනය කිරීමට නියමිතයි.
සතියේ දිනවල රාත්‍රී 8.35ට මරදාන සිට දකුණු පයාගල දක්වා ධාවනය වන දුම්රිය අද දිනයේ සිට අලුත්ගම දක්වා ගමනාන්තය දීර්ඝ කර ඇති බවද දුම්රිය දෙපාර්තමේන්තුව සඳහන් කළා.
පස්වරු 2ට මරදානේ සිට අලුත්ගම දක්වා ධාවනය වන දුම්රිය අද දිනයේ සිට පස්වරු 1.55ට මරදානේ සිට අලුත්ගම දක්වා ධාවනය කිරිමට නියමිතයි.
මෙම දුම්රිය කාලසටහන් සංශෝධනය සති දෙකක කාලයක් අත්හදා බැලීමෙන් පසු අඛණ්ඩව ක්‍රියාත්මක කරන්නේ ද නැද්ද යන්න සම්බන්ධයෙන් අවසන් තීරණයක් ගන්නා බවයි නියෝජ්‍ය දුම්රිය සාමාන්‍යාධිකාරි එන්. ජේ. ඉඳිපොලගේ මහතා කියා සිටියේ.