ජපානයේ බටහිර වෙරළ තීරයට ප්‍රබල භූමිකම්පාවක් – සුනාමි අනතුරු ඇඟවීම් නිකුත් කෙරේ!

රික්ටර් මාපක 7.4ක ප්‍රබලත්වයෙන් යුත් භූමිකම්පාවකට ජපානයේ උතුරු මැද ප්‍රදේශය මුහුණ දී තිබෙනවා.

ඒ අනුව ජපාන කාලගුණ විද්‍යා ඒජන්සිය Ishikawa, Niigata සහ Toyama ප්‍රාන්තවල වෙරළබඩ ප්‍රදේශවලට සුනාමි අනතුරු ඇඟවීමක් නිකුත් කළේය.

එරට වේලාවෙන් සවස 4:10 ට පමණ (GMT 07:10) ඉෂිකාවා ප්‍රාන්තයේ නෝටෝ ප්‍රදේශයට භූමිකම්පාව ඇති වූ පසු “සියලු නිවැසියන් වහාම උස් බිම් වෙත ඉවත් විය යුතුය,” යනුවෙන් අදාළ නිවේදනයේ සඳහන් වුනා.

ඉෂිකාවා හි නොටෝ අර්ධද්වීපයට මීටර් 5 ක් දක්වා උසට මුහුදු රළ ඇතිවිය හැකි බවට පුරෝකථනය කර තිබෙනවා.

අලූත් අවුරුදු දිනයේ සිදුවූ මෙම භූමිකම්පාව ටෝකියෝ නගරයට සහ කන්තෝ ප්‍රදේශයට දැනී ඇති බව සඳහන්.