පොළොන්නරුව ඓතිහාසික සෝමාවතිය රජමහ විහාරස්ථානය සහ මාර්ගය සම්පූර්ණයෙන්ම ජලයෙන් යට වී තිබෙනවා.
ඒ, එම ප්‍රදේශයට ඇදහැලෙන අධික වර්ෂාව හේතුවෙන්. එම පරිශ්‍රයේ සිර වූ හිමිවරු පස්දෙනෙක් සහ බැතිමතුන් 75 දෙනෙක් ආරක්ෂක අංශ විසින් ආරක්ෂක ස්ථාන කරා යොමු කර ඇති බවයි වාර්තා වන්නේ.
මේ හේතුවෙන් සෝමාවතිය පුදබිම වන්දනාමාන කිරීම සාමාන්‍ය ජනතාවට තාවකාලිකව අහිමි වනු ඇති.
සෝමාවතිය නායක ස්වාමීන් වහන්සේ හෙලිකොප්ටරයක් යොදවා ආරක්ෂිතව පොළොන්නරුවට වැඩමවා ඇති බව සඳහන්.