ජංගම දුරකථන ඇමතුම් ගාස්තු, අන්තර්ජාල ගාස්තු, ගෙවුම් රූපවාහිනි ගාස්තු ජනවාරි පළමුවැනිදා සිට ඉහළ දැමීමට එම සමාගම් තීරණය කර තිබෙනවා.
ඒ වැට් බද්ද සියයට තුනකින් වැඩි වීමත් සමඟයි.
පසුගිය නොවැම්බර් මාසයේ දී සියයට 15ක්ව පැවැති වැට් බද්ද සියයට 18 දක්වා වැඩි කිරීමට පාර්ලිමේන්තුවේ අනුමැතිය හිමි වුණා.
ඒ අනුවයි මෙම ගාස්තු ඉහළ දමනු ලබන්නේ.
මෙම ගාස්තු ඉහළ දැමීම සම්බන්ධයෙන් Dialog Axiata සමාගම සිය ගාස්තු ඉහළ දැමීම සම්බන්ධයෙන් ජනතාව දැනුම්වත් කර තිබෙනවා.
ඒ අනුව ඇමතුම් සහ අන්තර්ජාල ගාස්තු සියයට 23.5කින් ඉහළ යනු ඇති.
ගෙවුම් රූපවාහිනි ගාස්තුව ඉහළ යනු ලබන්නේ සියයට 42.02කින්.
අදාළ ආයතන මඟින් නිකුත් කල මිල ගණන් සහ නිවේදන පහතින්,
