ප්‍රජාතන්ත්‍රවාදී තරුණ කොංග්‍රසයේ මඩකලපු දිස්ත්‍රික් සම්මේලනය මඩකලපුව පුස්තකාලීය ශ්‍රවණාගාරයේදී පැවැත්විණි. මෙම සමුළුව ප්‍රජාතන්ත්‍රවාදී තරුණ කොංග්‍රසයේ නායක කේ. අර්ජුන මහතාගේ ප්‍රධානත්වයෙන්, ප්‍රජාතන්ත්‍රවාදී තරුණ කොංග්‍රසයේ මඩකලපු දිස්ත්‍රික්කයේ තරුණ නායක නායිකාවන් සහ සිවිල් ක්‍රියාකාරකයින් රැසක් මෙම අවස්ථාවට සම්බන්ධ විය.
මෙම වැඩසටහනේදී ප්‍රජාතන්ත්‍රවාදී තරුණ කොංග්‍රසයේ නායක කේ. අර්ජුන පවසා සිටියේ උතුරු නැගෙනහිර ජනතාව තම අයිතිවාසිකම් වෙනුවෙන් තනියම හඬ නැගූ බවත් අනාගතයේදී එය වෙනස් වන බවත් ඒ සඳහා ප්‍රජාතන්ත්‍රවාදී තරුණ කොංග්‍රසයේ දකුණේ තරුණ තරුණියන්ගේ සහ සිවිල් ක්‍රියාකාරිකයින්ගේ සහාය ලබා දෙන බවත්ය. මේ අතර කුමන අභියෝගය පැමිණිය ද පළාත් සභා ක්‍රමය ශක්තිමත් කිරීමට සහ පළාත් සභා වලට පූර්ණ බලතල ලබාදීමට අවශ්‍ය බලපෑම ප්‍රජාතන්ත්‍රවාදී තරුණ කොංග්‍රසය සිවිල් ක්‍රියාකාරිකයින්ද එක් කරගනිමින් සිදු කෙරෙන බව ද වැඩිදුරටත් පවසා සිටියේය.
