අතුරුදන්ව සිටි රුහුණු කතරගම මහ දේවාලයේ සොමිපාල ටී. රත්නායක ප්‍රධාන කපු මහතා කොළඹ ත්‍රස්ත විමර්ශන ඒකකයට භාර වී තිබෙනවා.
අනතුරුව ඔහු අත්අඩංගුවට ගෙන ඇති අතර මේ වනවිට ප්‍රශ්න කිරීම ආරම්භ කර ඇති බව සඳහන්.
ඔහු අභිරහස් ලෙස අතුරුදන්ව ඇති බවට පසුගිය 23 වැනිදා කතරගම පොලිසියට පැමිණිල්ලක්ද ලැබී තිබුණා.
එම කපු මහතාගේ දියණියන් දෙදෙනෙකු සහ මුනුපුරකු විසින් මෙම පැමිණිල්ල ඉදිරිපත් කර තිබෙනවා.
මෙම අතුරුදන් වීම සම්බන්ධයෙන් අඹුසැමි යුවළක් සැක කරන බවත්, ඔවුන් කපු මහතාගේ පවුලේ සමීපතමයන් වන බවත් ඔවුන් අදාළ පැමිණිල්ල මඟින් සඳහන් කර තිබු බවයි වාර්තා වන්නේ.
පසුගිය 08 වැනිදා සිය පියා ඔවුන්ගේ නිවෙසට ගිය බවත්, ඉන් අනතුරුව ඔහු මෙලෙස අතුරුදන්ව සිටින බවත් දරුවන් පොලිසියට ප්‍රකාශ කර තිබුණා.