ISIS සංවිධානයට සම්බන්ධ බවට සැක පුද්ගලයින් 08 දෙනෙකු ඉන්දියාවේ දී අත්අඩංගුවට ගෙන තිබෙනවා.
ප්‍රාන්ත කිහිපයක සිදුකළ විශේෂ මෙහෙයුමකදී මෙම පිරිස අත්අඩංගුවට ගෙන ඇති බවයි එරට මාධ්‍ය වාර්තා සඳහන් කළේ.
ජාතික විමර්ශන ඒජන්සිය සඳහන් කර ඇත්තේ, මොවුන් ඉන්දියාව පුරා පිපිරවීම් කිහිපයක් සැලසුම් කර තිබූ බවයි.
මුම්බායි, පූනේ, මහාරාෂ්ට්‍ර සහ දිල්ලි යන ප්‍රදේශවල ස්ථාන 19ක් ආශ්‍රිතව සිදුකළ විශේෂ මෙහෙයුමේ දී මෙම ත්‍රස්ත කණ්ඩායම අත්අඩංගුව ගෙන ඇති බවයි වාර්තා වන්නේ.
මෙහිදී සැකකරුවන් සන්තකයේ තිබී ඔවුන්ගේ ත්‍රස්ත ප්‍රහාරයේ සැලසුම ඇතුළත් ලිපි ලේඛන ද එරට ආරක්ෂක අංශ විසින් සොයාගෙන තිබෙනවා.
මෙම වැටලීමේදී සැකකරුවන් සන්තකයේ තිබූ තියුණු ආයුධ, ආයුධ, ඩිජිටල් උපකරණ සහ පුපුරණ ද්‍රව්‍ය ද ආරක්ෂක අංශ භාරයට ගෙන ඇති බවයි ඉන්දිය මාධ්‍ය වැඩිදුරටත් සඳහන් කළේ.