යාපනයේ ප්‍රසංගයකට පැමිණෙමින් සිටි දකුණු ඉන්දීය සුපිරි ගායක හරිහරන් ඇතුළු ගායක ගායිකාවන් 11 දෙනෙක් යාපනයේ අතරමං වී සිටිනවා.
මේම මස 21 වනදා යාපනයේ මුරාවෙලි ක්‍රීඩාංගණයේ සංවිධානය කර තිබු සංගීත ප්‍රසංගයකට සහභාගි වීම සඳහා ඔහු මෙලෙස යාපනයට පැමිණ ඇති බවයි වාර්තා වන්නේ.
එහෙත් මේ දිනවල පවතින වර්ෂාව සහ අයහපත් කාලගුණය හේතුවෙන් එම ප්‍රසංගය අවලංගු කිරීමට සංවිධායකවරුන් අද (17) තීරණය කර තිබෙනවා.
මේ නිසා හරිහරන් ඇතුළු පිරිස ආපසු දකුණු ඉන්දියාවට යැවීමට තීරණය කරද ඉන්දියාව හා යාපනය අතර ගුවන් ගමනද අයහපත් කාලගුණය මත නවතා දමා තිබෙනවා.
මේ හේතුවෙන් හරිහරන් ඇතුළු ගායක පිරිස පිඩාවට පත් වී ඇති බවයි සඳහන් වන්නේ.