ආබාධිත පුද්ගලයින් භාවිත කරන කිහිලිකරුවලට වැට් බද්ද පනවා ඇති බැවින් එය සෞඛ්‍ය ක්ෂේත්‍රයට දැඩි තර්ජනයක් වනු ඇති බව රජයේ වෛද්‍ය නිලධාරීන්ගේ සංගමය (GMOA) ප්‍රකාශ කළා.
GMOA මාධ්‍ය ප්‍රකාශක වෛද්‍ය චමිල් විජේසිංහ පැවසුවේ සෞඛ්‍ය ක්ෂේත්‍රයේ භාණ්ඩ කිහිපයකට සියයට 18ක නව බද්දක් පැනවීම බරපතල අර්බුදයක් ඇති කරන බවයි.
ඒ අනුව ගිලන්රථ, ඖෂධ නිෂ්පාදනය සඳහා භාවිතා කරන අමුද්‍රව්‍ය, වෛද්‍ය උපකරණ, අධි තාක්‍ෂණික වෛද්‍ය උපකරණ සහ ආබාධිත පුද්ගලයින් භාවිතා කරන ඇවිදීමේ ආධාරක, ශ්‍රවණාධාර වැනි සියලුම උපකරණ ජනවාරි මාසයේ සිට නව බද්දට යටත්වනු ඇති.