දූෂිතයින්ගෙන් සහ වංචාකාරීන්ගෙන් තොර නව සන්ධානයක් බිහි කරන බව ශ්‍රී ලංකා කණ්ඩායමේ හිටපු ක්‍රිකට් නායකයෙකු වන අර්ජුන රණතුංග පවසනවා.
අස්ගිරි පාර්ශවයේ මහා නායක අතිපූජ්‍ය වරකාගොඩ ශ්‍රී ඤාණරතන නාහිමියන් ඊයේ බැහැදැකීමෙන් අනතුරුව මාධ්‍ය වෙත අදහස් දක්වමිනුයි ඔහු මේ බව කියා සිටියේ.
එහිදී වැඩිදුරටත් අදහස් දක්වමින් අර්ජුන රණතුංග පවසා සිටියේ තේරීම් කමිටු සභාපති තනතුර සඳහා උපුල් තරංග වැනි ක්‍රීඩකයින් පත් කිරීම හොඳ තීරණයක් බවයි.
ක්‍රිකට් ආයතනයේ සිදු වී ඇති වංචා හා දූෂණ සම්බන්ධයෙන් මල්වතු හා අස්ගිරි නාහිමිවරුන් දැනුවත් කිරීමට ඊයේ ගිය අවස්ථාවේ දී ඔහු මේ පිළිබඳව සඳහන් කර ඇති බවයි වාර්තා වන්නේ.