අමෙරිකානු YouTube වීඩියෝ නිර්මාණ ශිල්පියෙකුට මාස 06ක සිර දඬුවමක් ලබා දීමට එරට අධිකරණය තීරණය කර තිබේ.
අමෙරිකානු ජාතිකයෙකු වන ට්‍රෙවර් ජේකෝබ් අත්දැකීම් සහිත ගුවන් නියමුවෙක් මෙන්ම ශීත සෘතු ඔලිම්පික් ක්‍රීඩා උළෙලට සහභාගී වූ ක්‍රීඩකයෙකු ද වේ.
ගුවන් යානා හා හිම මත ලිස්සා යාමේ වීඩියෝ පළ කරමින් ඔහු යූ ටියුබ් හරහා ජනප්‍රිය වු බව වාර්තා වේ.
කෙසේ වෙතත්, මොහුට මෙලෙස මාස 06ක සිර දඬුවමක් හිමිව ඇත්තේ වීඩියෝවක් නිසාමයි. 2021 වසරේ තමන් ගමන් කළ සැහැල්ලු ගුවන් යානය කාර්මික දෝශයකට ලක්වීම හේතුවෙන් ඉන් පැන දිවි බේරාගැනීමේ වීඩියෝවක් ඔහු පළ කර තිබිණ.
කෙසේ වෙතත් අදාළ අනතුර සම්බන්ධයෙන් සිදුකළ විමර්ශනයේ දී වැරදි තොරතුරු ලබා දීම හා හිතා මතා අනතුර සිදු කළ බවට හැඟී යාම පදනම් කරගනිමින් සිර දඬුවම ලබා දී ඇති බව විදෙස් මාධ්‍ය වාර්තා කරයි.
සිදුවීමට මුල් වූ වීඩියෝව පහතින්,