වෛද්‍ය සැපයීම් අංශය සඳහා නව වැඩබලන නියෝජ්‍ය අධ්‍යක්ෂ ජනරාල්වරයෙකු සහ වැඩබලන අධ්‍යක්ෂවරයෙකු පත් කර තිබේ.
සෞඛ්‍ය අමාත්‍යාංශ ලේකම් වෛද්‍ය පාලිත මහීපාල මහතා පැවසුවේ අද (03) සිට ක්‍රියාත්මක වන පරිදි එම පත් කිරීම් සිදුකර ඇති බවයි.
ඒ අනුව වෛද්‍ය සැපයුම් අංශයේ වැඩබලන නියෝජ්‍ය අධ්‍යක්ෂ ජනරාල්වරයා ලෙස වෛද්‍ය සුදත් ධර්මරත්න මහතා පත් කර තිබේ.
වෛද්‍ය දේදුනු ඩයස් මහතා වෛද්‍ය සැපයුම් අංශයේ නව වැඩබලන අධ්‍යක්ෂවරයා ලෙස පත් කර ඇති බව සෞඛ්‍ය අමාත්‍යාංශ ලේකම්වරයා සඳහන් කර ඇත.
ඉමියුනෝග්ලොබියුලින් ගනුදෙනුවට අදාළව අත්අඩංගුවට ගත් වෛද්‍ය සැපයුම් අංශයේ අධ්‍යක්ෂකවරයා ලෙස කටයුතු කළ වෛද්‍ය කපිල වික්‍රමනායක මහතා මේ වනවිට රක්ෂිත බන්ධනාගාරගත ව සිටී.