අඹතලේ ජල පවිත්‍රාගාරයේ සිදු වූ හදිසි විදුලි බිඳවැටීමක් හේතුවෙන් කොළඹ ඇතුළු ප්‍රදේශ රැසකට හදිසි ජල කප්පාදුවක් සිදු කර තිබෙනවා.
කොළඹ, කඩුවෙල, දෙහිවල – ගල්කිස්ස, කෝට්ටේ යන මහ නගර සභා බල ප්‍රදේශ මෙන්ම කොළොන්නාව, කොටිකාවත්ත, මුල්ලේරියාව, රත්මලාන සහ කටුබැද්ද, මහරගම සහ බොරලැස්ගමුව යන ප්‍රදේශවලට මෙලෙස ජලසැපයුම අත්හිටුවා ඇති බවයි ජාතික ජලසම්පාදන හා ජලාපවහන මණ්ඩලය සඳහන් කළේ.
මේ වන විට අලුත්වැඩියා කටයුතු සිදු කෙරෙමින් පවතින බවයි ජාතික ජලසම්පාදන හා ජලාපවහන මණ්ඩලය වැඩිදුරටත් පැවසුවේ.