ඊශ්‍රායලය ගාසාහි විශාලතම රෝහල වටලයි – සිවිල් වැසියන්ට රතු එළියක් !

1 Min Read

විදෙස් මාධ්‍ය වාර්තා කළේ අද (15) අලුයම වන විට ගාසා තීරයේ විශාලතම රෝහල වන අල් ෂිෆා රෝහල් පරිශ්‍රය වැටලීමට ඊශ්‍රායල හමුදාව පියවර ගත් බවයි.

අල් ෂිෆා හි තවමත් රැඳී සිටින පලස්තීනුවන් හට වහාම යටත් වන ලෙසට ඊශ්‍රායලය දැනුම් දී තිබෙනවා.

ගාසා සෞඛ්‍ය අමාත්‍යාංශයේ අධ්‍යක්ෂ ජනරාල් මුනීර් අල් බර්ෂ් විසින් අල් ජසීරා පුවත් සේවයට පවසනු ලැබ ඇත්තේ ඊශ්‍රායල හමුදාව වෛද්‍ය සංකීර්ණයේ බටහිර පැත්ත වැටලූ බවයි.

තමන් සිටින පළාතම අළු දුහුවිලිවලින් පිරී ඇති බවත්, රෝහලේ බටහිර කොටසෙහි විශාල පිපිරුමක් සිදුව ඇති බවටත් තමන් විශ්වාස කරන බවයි බර්ෂ් අල් ජසීරා පුවත් සේවයට සඳහන් කර ඇත්තේ.

එමෙන්ම ආක්‍රමණික හමුදා රෝහලේ බිම් මහලේ සෝදිසි කිරීම්හි යෙදී සිටින අතර තව මොහොතකින් ඔවුන් ඉහළ මහලයට පැමිණෙනු ඇති බවයි.

ඊශ්‍රායල හමුදා පළමුකොටම ශල්‍යකර්ම සහ හදිසි අනතුරු ඒකක වැටලූ බවද ගාසා සෞඛ්‍ය අමාත්‍යාංශයේ රෝහල් අධ්‍යක්ෂ මොහොමඩ් සකෝට් පැවසුවා.

කෙසේවෙතත් මේ වනවිට මුළුමනින්ම අල් ෂිෆා හි ස්වාධීනත්වය බිඳ වැටී ඇති බවයි රොයිටර්ස් පුවත් සේවය වාර්තා කරන්නේ.

Share This Article
Leave a comment