ජනප්‍රිය ගායන ශිල්පිනී නිරෝෂා විරාජිනීගේ මාලඹේ ප්‍රදේශයේ නිවෙසට අයුතු ලෙස ඇතුළුවීමේ චෝදනාව යටතේ අත්අඩංගුවට ගෙන කඩුවෙල අධිකරණයට ඉදිරිපත් කළ සැකකරුවකු හෙට (14ද) දක්වා රක්ෂිත බන්ධනාගාරගත කරන ලෙස කඩුවෙල වැඩබලන මහේස්ත්‍රාත් කමල් විජේසිරි මහතා නියෝග කර තිබෙනවා.
ඒ සම්බන්ධයෙන් ලැබුණු පැමිණිල්ලක් දීර්ඝ ලෙස විමර්ශනයක් කළ මාලඹේ පොලිසියේ ස්ථානාධිපති ප්‍රධාන පොලිස් පරික්ෂක ප්‍රසාද් රත්නායක මහතා ඇතුළු කණ්ඩායමක් සැකකරු අත්අඩංගුවට ගෙන ඇත.
අත්අඩංගුවට ගත් මෙම සැකකරු වයස අවුරුදු 35ක තැනැත්තෙකි.
මොහු මීට පෙර අවස්ථා කිහිපයකදීම මෙම ගායන ශිල්පිනියගේ නිවෙසට ඇතුළුවීමට උත්සාහ දරා තිබෙන බව පොලීසිය සිදු කළ වැඩිදුර විමර්ශනවලින් අනාවරණය කරගෙන තිබෙනවා.