තමන් වෛද්‍යවරයෙකු බව ව්‍යාජ ලෙස ප්‍රකාශ කළ බවට චෝදනා ලැබූ TikTok තරුවක් අත්අඩංගුවට ගෙන තිබෙනවා.
ඒ දකුණු අප්‍රිකාවේ රෝහලකට ඇතුළු වීමට උත්සාහ කිරීමත් සමගයි.
‘මැතිව් ලානි’ නම් මොහු TikTok සමාජ මාධ්‍ය ඔස්සේ, වෛද්‍ය උපදෙස් බෙදාගැනීමෙන් සහ අන්තර්ජාලය හරහා ඖෂධ අලෙවි කිරීමෙන් දහස් ගණනක් අනුගාමිකයින් තම ගිණුමට එක කර ගෙන ඇති බව සඳහන්.
Gauteng පළාතේ සෞඛ්‍ය දෙපාර්තමේන්තුව ප්‍රකාශයක් නිකුත් කරමින් කියා සිටියේ මැතිව් ලානි ජොහැන්නස්බර්ග් හි ‘හෙලන් ජෝසප්’ රෝහල නිතර භාවිතා කළ බවත් එහිදී ඔහු සුදුසුකම් ලත් වෛද්‍යවරයකු බව පවසමින් නොමඟ යවනසුලු අන්තර්ගතයන් නිර්මාණය කරමින් සිටියදී මෙලෙස අත් අඩංගුවට පත් වූ බවයි.
කෙසේ වෙතත්, ඔහුගේ පැරණි TikTok ගිණුම වසා දමා ඇතිමුත් , එය වසා දැමීමට පෙර ඔහුට TikTok හි අනුගාමිකයන් 300,000 කට ආසන්න සංඛ්‍යාවක් සිට තිබෙනවා.
ඉන්පසු ඔහු තවත් නව ගිණුමක් විවෘත කර ඇති අතර, මේ වන්විට එහි අනුගාමිකයින් 50,000 කට වඩා සිටින බව කියවෙනවා.
ඔහුගේ සුදුසුකම් සම්බන්ධයෙන් ප්‍රශ්න පැන නැගී සති කිහිපයක් ගත වූ පසු මෙලෙස ඔහු අත්අඩංගුවට ගැනීම සිදු වූවත්, තමන් ජොහැන්නස්බර්ග්හි ‘විට්වෝටර්ස්රන්ඩ්’ විශ්ව විද්‍යාලයෙන් වෛද්‍ය උපාධියක් ලබා ගත් බව ලානි පවසනවා.
නමුත් එම විශ්ව විද්‍යාලය පවසන්නේ එය අසත්‍ය බවයි. ඊට අමතරව දකුණු අප්‍රිකාවේ අධ්‍යාපන දෙපාර්තමේන්තුව පවසන්නේ මැතිව් ලානි පාසල් හැර යාමේ සහතිකය පවා ලබාගෙන නොමැති බවයි.
@dr.matthew8 #fyp #trends #tiktoksa ♬ Emotional Piano for the Soul (Inspirational Background Music) – Fearless Motivation Instrumentals