ඉන්දියාවේ කේරළ ප්‍රාන්තයේ කෝචි නගරයේ ක්‍රිස්තියානි ආගමික සිද්ධස්ථානයක බෝම්බ පිපිරීමක් සිදු ව තිබේ.
අද (29) උදෑසන සිදු වූ එම පිපිරීමෙන් එක් අයෙකු මිය ගොස් 40 දෙනෙකු පමණ තුවාල ලබා ඇති බව ඉන්දීය මාධ්‍යය වාර්තා කරයි.
ඉන් 6 දෙනෙකුගේ තත්ත්වය බරපතල වන බව ද වාර්තා වනවා.
එරට ආරක්ෂක අංශ පවසා ඇත්තේ, එම ස්ථානයේ පිපිරීම් 03ක් පමණ සිදු ව ඇති බවයි.
පිපිරීම් සිදු වන විට දේවස්ථානයේ බැතිමතුන් 2,000ක පමණ පිරිසක් යාඥා කරමින් සිටි බව සඳහන් වේ.
මෙම ස්ථානයට බෝම්බ රැගෙනවිත් ඇත්තේ, කෑම පෙට්ටියක සඟවාගෙන බවත් එය සැලසුම් සහගත ව සිදු කර ඇති ප්‍රහාරයක් බවට තොරතුරු අනාවරණය වී ඇති බවත් ඉන්දීය මාධ්‍යය වැඩිදුරටත් සඳහන් කර තිබේ.
කෙසේ වෙතත් මේ වනවිට එරට ආරක්ෂක අංශ විසින් එක් සැකකරුවෙකු අත්අඩංගුවට ගෙන ඇති නමුත් තවත් පුද්ගලයෙකු තමන් එම ප්‍රහාරය සිදු කළ බව පවසමින් පොලීසියට භාර වී ඇති බව ඉන්දීය මාධ්‍යය වාර්තා කර ඇත.
#WATCH | Visuals from Ernakulam, Kerala where one person died, and several injured in an explosion at a Convention Centre in Kalamassery https://t.co/hir8k808v2 pic.twitter.com/305HuzA4gg
— ANI (@ANI) October 29, 2023