ලොව වයස්ගතම සුනඛයා ලෙස ගිනස් වාර්තා අතරට එක් වී සිටි “බොබී” මියගිය බව විදෙස් මාධ්‍ය වාර්තා කරයි.
බොබී මියගොස් ඇත්තේ පසුගිය 22 වැනිදාය. මියයනවිට බොබී අවුරුදු 31 ක් ජීවත් වී තිබුණි.
සාමාන්‍යයෙන් බල්ලකුගේ ආයු කාලය අවුරුදු 15 ක් පමණය.විදෙස් මාධ්‍ය වැඩිදුරටත් සඳහන් කරන්නේ ඕස්ට්‍රේලියාවේ අවුරුදු 29ක් ජීවත් වූ බ්ලූයි අභිබවා යමින් බොබී ජීවත් වූ බවයි.
බොබී පෘතුග්‍රීසි ‘රෆෙරියෝ දෝ ඇලෙන්ටේජෝ’ වර්ගයේ බලු සුරතලෙකි.
බොබීගේ හිමිකරු ලයනල් කොස්ටා, මාධ්‍ය හමුවේ පවසා ඇත්තේ, බොබී සත්ව රෝහලක ප්‍රතිකාර ලබමින් සිටියදී මියගිය බවය.