ඊශ්‍රායල ප්‍රහාරයකින් හමාස් සංවිධානයේ ප්‍රධාන ජාතික ආරක්ෂක අංශ ප්‍රධානියා වන ජෙහාඩ් මෙහයිසන් සහ ඔහුගේ පවුලේ සාමාජිකයන් ඔවුන්ගේ නිවසේ දී මිය ගිය බව හමාස් සංවිධානයට සම්බන්ධ පුවත් ඒජන්සියක් උපුටා දක්වමින් රොයිටර් පුවත් සේවය අද (19) වාර්තා කළේය.
පලස්තීනයට අනුබද්ධ ප්‍රවෘත්ති සංවිධානයක් වන ජෙරුසලම් ප්‍රවෘත්ති ජාලය වාර්තා කළේ ගාසා තීරයේ ෂෙයික් රඩ්වාන් ප්‍රදේශයට ගුවන් ප්‍රහාරයක් එල්ල වූ බවය.
ජෙරුසලම් නිව්ස් නෙට්වර්ක් විසින් X සමාජ ජාලයේ සටහනක් තබමින් වැඩිදුරටත් කියා ඇත්තේ,
ගාසා තීරයේ පලස්තීන ජාතික ආරක්ෂක හමුදාවේ අණදෙන නිලධාරි මේජර් ජෙනරාල් ජෙහාඩ් මෙහයිසන් සහ ඔහුගේ පවුලේ අය ෂෙයික් රඩ්වාන් රැඳී සිටි නිවසට බෝම්බ හෙලීමෙන් මිය ගිය බවයි