කොත්මලේ වෑතලාව ගම්මානය පොළොව අභ්‍යන්තරයෙන් අසාමාන්‍ය ශබ්දයක් ඇසෙන්නෙ යැයි ප්‍රදේශවාසීන් පැවසීම හේතුවෙන් පවුල් 50 ක් පමණ පිරිසක් 15 වන දා රාත්‍රී ආරක්ෂක ස්ථානවලට යොමු කර තිබේ.
නුවරඑලිය දිස්ත්‍රික් ලේකම්වරයා සඳහන් කරන්නේ මෙම ගම්මානය කඳු රහිත තැනිතලා බිමක පවතින බවත් නිරන්තරයෙන් පොළොව අභ්‍යන්තරයෙන් විවිධ ශබ්ද ඇසෙන බවට ගම්මුන් විසින් ප්‍රාදේශීය ලේකම්වරයාට දැනුම් දුන් පසු මෙම තීරණය ගත් බවත්ය.
කෙසේ වෙතත් මෙම තත්ත්වය බියවීමට හේතුවක් නොවන නමුත් මේ පිළිබඳව ගොඩනැගිලි පර්යේෂණ ආයතනයේ නිලධාරීන් යොදවා පරීක්ෂණයක් සිදු කිරීමට කටයුතු කර ඇති බවත් නුවරඑළිය දිස්ත්‍රික් ලේකම්වරයා තවදුරටත් කියා සිටියේය.