සිය පෙම්වතිය අමනාප වීම නිසා ඇයගෙන් පළි ගැනීමට සිතා ඇයගේ නිරුවත් ඡායාරූප විශාල කර පෙම්වතියගේ නිවසේ ගේට්ටුවේ ඇල වූ තරුණයෙකු කැස්බෑව පොලිසිය විසින් අත්අඩංගුවට ගෙන තිබෙනවා.
ඔහු සතුව තිබූ තවත් විශාල කර සකස් කළ අදාළ තරුණියගේ නිරුවත් ඡායාරූප හතරක් සහ එම නිරුවත් ඡායාරූප ඇතුළත් කර තිබූ ලැප්ටොප් පරිගණකයද පොලිස් භාරයට ගෙන තිබෙනවා.
සැකකාර තරුණයා මහරගම ප්‍රදේශයේ පෞද්ගලික ආයතනයක සේවය කරන 23 හැවිරිදි අයෙකුවන බවයි පොලිසිය පැවසුවේ.
ඔහු තරුණියගේ පාසලේ මිතුරෙක් වන අතර දැනට අවුරුදු එක හමාරකට පමණ ඉහතදී මෙම සම්බන්ධතාව ආරම්භ කර තිබෙනවා.
ඉන් පසු දෙදෙනා සමීපව ඇසුරු කර ඇති අතර එම අවස්ථාවන්වලදී තරුණියගේ නිරුවත් ඡායාරූප ලබාගෙන ඇති බවයි පැවසෙන්නේ.
තරුණයාගේ විවිධ ක්‍රියාකාරකම් හේතුවෙන් මෙම තරුණයා තමාට නොගැලපෙන බවට තීරණය කළ තරුණිය මෙම සම්බන්ධතාව නැවැත්වීම සඳහා තරුණයාව මඟ හැර තිබෙනවා.
ඉන් උරන වූ සැකකරු තමා සන්තකයේ පැවති තරුණියගේ නිරුවත් ඡායාරූප A4 ප්‍රමාණයට විශාල කර තරුණියගේ ගේට්ටුවේ ඇලවීමට කටයුතු කර ඇති බවයි පොලිසිය පැවසුවේ.
මේ පිළිබඳව අදාළ තරුණිය විසින් පොලිසියට පැමිණිලි කිරීමෙන් අනතුරුව මෙම සැකකාර තරුණයා කැස්බෑව පොලිසිය විසින් අත්අඩංගුවට ගනු ලෑබුවා