ආසියානු කුසලාන ක්‍රිකට් තරගාවලියේ මූලික වටයේ අවසන් තරගය වූ ඇෆ්ගනිස්ථානය සහ ශ්‍රී ලංකාව අතර තරගය සම්බන්ධයෙන් ඇෆ්ගනිස්ථාන ක්‍රිකට් පාලක මණ්ඩලය (ACB) ආසියානු ක්‍රිකට් කවුන්සිලයට (ACC) පැමිණිලි කර තිබෙනවා.
ඇෆ්ගනිස්ථාන ක්‍රිකට් පාලක මණ්ඩලයේ ප්‍රකාශක මොහොමඩ් නසීම් සදාත් මේ බව ඇෆ්ගනිස්ථාන මාධ්‍ය වෙත පවසා තිබෙනවා.
ඇෆ්ගනිස්ථානය, ශ්‍රී ලංකාව සහ බංග්ලාදේශය 2023 ආසියානු කුසලානයේ B කාණ්ඩයෙන් ක්‍රීඩා කළා. ඇෆ්ගනිස්ථාන කණ්ඩායම සිය පළමු තරගය බංග්ලාදේශයට එරෙහිව ලකුණු 89කින් පරාජයට පත්ව තිබුණා.
එවැනි පසුබිමක් මධ්‍යයේ ශ්‍රී ලංකාවට එරෙහි තරගය ඔවුන් අනිවාර්යයෙන් ජයගත යුතුව තිබුණා සේම ශ්‍රී ලංකා කණ්ඩායමෙන් ලැබෙන ඉලක්කය පන්දුවාර 37.1කින් ලබාගත යුතුව තිබුණා.
කාසියේ වාසිය දිනූ ශ්‍රී ලංකා කණ්ඩායම ප්‍රථමයෙන් පන්දුවට පහරදීමට තීරණය කර ලකුණු 292ක ඉලක්කයක් ඇෆ්ගනිස්ථානයට ලබා දුන්නා. ඇෆ්ගනිස්ථානය සුපිරි 04 වටයට සුදුසුකම් ලැබීමට නම් අදාළ ඉලක්කය පන්දුවාර 37.1කදී හඹා යා යුතු වුණා.
කෙසේ වෙතත් තරගයේ අවසන් මිනිත්තුවේදී ඇෆ්ගනිස්තානය කඩුලු 09ක් දැවී ලකුණු 290ක් ලබා සිටියදී තරගයේ නිලධාරීන් ප්‍රකාශ කළේ අදාළ ඉලක්කය ලබාගැනීමට ඇෆ්ගනිස්ථානයට තවත් පන්දු 03කදී ලබාගත යුතු බවයි. නමුත් පිටියේ සිටි ඇෆ්ගනිස්ථාන ක්‍රීඩකයින් ඉදිරි පන්දු තුනේදී ලකුණු 295ක් ලබා ගත්තේ නම් ඔවුන්ට සුපිරි 4 වටයට පැමිණිය හැකි බවට ගණනය කිරීම නොදැන සිටි බව අදාළ පැමිණිල්ලේ දක්වා තිබිණ.
මෙම කාරණය සම්බන්ධයෙන් නොසැලකිලිමත් වූ නිලධාරීන්ට දඬුවම් කරන ලෙස ACB ඉල්ලා සිටි බවත්, ඇෆ්ගනිස්ථාන ක්‍රිකට් පාලක මණ්ඩලයේ නිලධාරීන්ගේ නොසැලකිලිමත් බව ඔප්පු වුවහොත් ඔවුන්ටද දඬුවම් කරන ලෙසත් සදාත් මාධ්‍ය වෙත පවසා තිබුණා.
Mr. තලේබාන්….😁😁😁😁