දැනට රටෙන් සැඟවී පලාගොස් විදේශයක සිට පාතාලය මෙහෙයවනු ලබන ගණේමුල්ලේ සංජීව මීට දින කිහිපයකට ඉහත දී ඉන්දියාවේ ආරක්ෂක අංශ විසින් අත් අඩංගුවට පත් වූ බව නිල නොලත් තොරතුරු මත වාර්තා වීමත් සමග ඔහුගේ ගණේමුල්ල මාකිලංගමුවේ නිවසට ඊයේ (25) අළුයම නාඳුනන තුවක්කු කරුවන් දෙදෙනෙක් විසින් වෙඩි තබා ඇතැයි වාර්තා වේ.
වෙඩි ප්‍රහාර ටී 56 ගිනි අවියකින් සහ පිස්තෝලයකින් එල්ල වී ඇතැයි ගණේමුල්ල පොලිසිය කියයි.
නිවසට වෙඩි ප්‍රහාරය එල්ලවන අවස්ථාව වනවිට ගණේමුල්ල සංජීවගේ බිරිඳ, දියණිය, ඔහුගේ සහෝදරියක් සහ මව්පියන් නිවසේ සිට ඇති නමුත් වෙඩි ප්‍රහාරයෙන් ඔවුන් කිසිවෙකුටත් හානි සිදුවී නැත.
මෙම වෙඩි තැබීම සම්බන්ධව සංජීවගේ බිරිය ඊයේ (25) උදෑසන 11ට පමණ නීතීඥවරයෙකු ද සමඟ පැමිණ පැමිණිලි කළ බව ගනේමුල්ල පොලීසිය කියයි.