නැගී එන ලොව ඉහළම ආර්ථිකයන්හි BRICS සමූහය, තවත් රටවල් හයකට නව සාමාජිකයින් ලෙස එක්වීමට ආරාධනා කර තිබෙනවා.
ඒ එහි ප්‍රවේශය සහ බලපෑම පුළුල් කිරීමේ ප්‍රධාන පියවරක් ලෙසයි.
ආර්ජන්ටිනාව, ඊජිප්තුව, ඉතියෝපියාව, ඉරානය, සෞදි අරාබිය සහ එක්සත් අරාබි එමීර් රාජ්‍යය යන රටවලට ලබන වසරේ ජනවාරි 1 වැනිදා සිට පූර්ණ සාමාජිකයන් ලෙස එක්වන ලෙස ආරාධනා කර ඇති බවයි වාර්තා වන්නේ.
බ්‍රසීලය, රුසියාව, ඉන්දියාව සහ චීනය සමඟ 2009 දී පිහිටුවන ලද මෙම කණ්ඩායම 2010 දී දකුණු අප්‍රිකාව පිළිගැනීමට පියවර ගත්තා.
මෙලෙස නව සාමාජිකයන් පත් කර ගැනීම තුළින් ලෝක ගෝලීය දකුණේ අවශ්‍යතා වඩා හොඳින් ලෝකයේ න්‍යාය පත්‍රයට ඇතුළත් කළ හැකි සංවර්ධනය වෙමින් පවතින ජාතීන්ගේ ශක්තිමත් සභාගයක් වර්ධනය කිරීමට උත්සාහ කරන බව BRICS සාමාජිකයන් පවසනවා.