ශ්‍රී ලංකා මහ බැංකුව විසින් සිය විදේශ මුදල් රෙගුලාසිවල සැලකිය යුතු වෙනස්කම් සිදු කර තිබෙනවා.
ඒ අනුව ඉදිරි මාස හයක කාලය සඳහා විදේශ මුදල් රටින් පිටතට ගෙනයාමේ සීමාවන් ලිහිල් කර ඇති අතර එමඟින් සංචාරකයින්ට සහ ව්‍යාපාරිකයින්ට යම් සහනයක් ලැබී තිබෙනවා.
තවද, විශ්‍රාමිකයින්ට තම මූල්‍ය කළමනාකරණයේදී වැඩි නම්‍යශීලී බවක් ලබා දෙමින් විශ්‍රාමික ගනුදෙනු සඳහා පනවා තිබූ සීමාවන් ඉවත් කිරීමටයි මහ බැංකුව තීරණය කර ඇත්තේ.
ආයෝජනය සම්බන්ධයෙන් ගත් කල, නව රෙගුලාසි මුලින් රටින් පිටත සමාගම්වල සාමාන්‍ය කොටස්වල ආයෝජන අත්හිටුවා තිබුණා.
කෙසේ වෙතත්, කොළඹ කොටස් වෙළඳපොලේ ලැයිස්තුගත කර ඇති සමාගම්වල ඩොලර් ලක්ෂ 2 ක් දක්වා ආයෝජනය කිරීමට පුද්ගලයින්ට අවසර දෙමින් ධනාත්මක සංශෝධනයක් හඳුන්වා දී තිබෙනවා.