එක්සත් ජාතික නිදහස් පෙරමුණේ වර්තමාන දේශපාලන දැක්ම සහ අනාගත සැලැස්ම පිළිබඳ දැනුවත් කිරීමේ විජයග්‍රාහී මහජන හමුවක් ඊයේ (09) සවස තිඹිරිගස්යාය ජානකී හෝටලයේදී පැවැත්වුණා.
ඒ සඳහා එක්සත් ජාතික නිදහස් පෙරමුණ නියෝජනය කරන අපේක්ෂකයින් වන ඕෂධ රත්නවීර සහ ජනාධිපති නීතීඥ මෛත්‍රී ගුණරත්න ඇතුළු පිරිසක් එක්ව සිටියා.
එක්සත් ජාතික නිදහස් පෙරමුණ නියෝජනය කරන ඕෂධ රත්නවීර ව්‍යාපාර ක්ෂේත්‍රයේ වසර 10කට අධික කාලයක ප්‍රායෝගික අත්දැකීම් සහිත කළමනාකරුවෙකු වන අතර රටට අවශ්‍ය වන තරුණ ජවයෙන් හා මානුෂීය ගුණාංගයන්ගෙන් පිරිපුන් අයෙක් වනවා
කොළඹ නගර සභාවේ ළාබාලතම නාගරික මන්ත්‍රීවරයා වශයෙන් තම සේවය ඉටුකල ඕෂධ රත්නවීර කොළඹ ආනන්ද විද්‍යාලයීය රගර් කණ්ඩායමේ ක්‍රීඩකයෙකු හා නායකයා වශයෙන් කටයුතු කර තිබෙනවා.
නවීන තාක්ෂණ දැනුම, ඩිජිටල් සාක්ෂරතාවය පිළිබඳ හසළ දැනුමකින් පිරිපුන් වීම හා ඒ වෙනුවෙන් සමාජය මෙහෙය වීමේ ප්‍රායෝගික වැඩපිළිවෙලක් සහිත දූෂණයෙන් තොර නව දේශපාලන සංස්කෘතිකට අවශ්‍ය තරුණ නායකත්වය සපයනු ඇති.
