අපොස සාමාන්‍ය පෙළ (2023) විභාගය පවත්වා මාස 08ක් ගතවී ඇතත් මේ වනතෙක් විභාග රාජකාරි කළ ගුරුවරුන් සඳහා ඊට අදාළ ගෙවීම් සිදුකර නැති බව ලංකා ගුරු සංගමයේ ප්‍රධාන ලේකම් ජෝසප් ස්ටාලින් පවසනවා.
මෙම ගෙවීම් ලබාගැනීම සඳහා ගුරුවරුන් 35,000ක් පමණ සිටින බවත්, ඔවුන්ට සිදු කළ යුතු ගෙවීම් ප්‍රමාද කිරීම නිසා ඉදිරි විභාග රාජකාරිවලට ගුරුවරුන් ඉදිරිපත් වීමට අකැමැත්තක් දැක්විය හැකි බවත් ඔහු වැඩිදුරටත් සඳහන් කලා.
මේ වනවිට රජය මගින් ගුරුවරුන්ට ගෙවීම සඳහා මුදල් වෙන්කර ඇති බව දැනගන්නට තිබෙන බවත් සඳහන් කල ලේකම්වරයා පෙන්වා දුන්නේ විභාග දෙපාර්තමේන්තුවේ අකාර්යක්ෂමතාව නිසා ගුරුවරුන් සඳහා සිදුකරන ගෙවීම් ප්‍රමාද වන බවට දැනගන්නට තිබෙන බවයි.
මේ අනූව පෙනී යන්නේ විභාග දෙපාර්තමේන්තුවට ප්‍රශ්නයක් නොවන ආකාරයට විභාගයක් පැවැත්වීමේ නොහැකියාව බව ඔහු පෙන්වා දුන්නා.