මෙරටදී එකලස් කල ලියාපදිංචි නොකල BMW මෝටර් රථයක් ලඟ තබා ගැනීමේ සිද්ධිය සම්බන්ධයෙන් හිටපු අමාත්‍ය ජොන්ස්ටන් ප්‍රනාන්දු ඊයේ (23) රක්ෂිත බන්ධනාගාරගත කරනු ලැබුවා.
එලෙස හිටපු අමාත්‍යවරයා සන්තකයේ තබාගෙන සිටි මෝටර් රථය ජාත්‍යන්තර පොලිසියේ දත්ත පද්ධතිය ඔස්සේ පරීක්ෂා කල පසු 2021 වසරේ එංගලන්තයේ සොරකම් කරන ලද්දක් බවට විමර්ශන නිලධාරීන් අධිකරණයට දන්වා තිබුණා.
කෙසේ නමුත් මෙම මෝටර් රථය එංගල්න්තයේදී සොරකම් කල එක බව සඳහන් වූවද එම සොරකමට තම සේවාදායකයා සම්බන්ධ බව ඔප්පු කිරීමට තරම් කරුණු අනාවරණය වී නොමැති බව හිටපු අමාත්‍ය ජොන්ස්ටන් ප්‍රනාන්දු වෙනුවෙන් අධිකරණයේ හේතු දැකුවූ ජනාධිපති නීතීඥ සම්පත් මෙන්ඩිස් පවසා සිටියා. ඒ අනූව තම සේවාදායකයාට විරුද්ධව මුදල් විශුද්ධිකරන පනත යටතේ චෝදනා පවත්වාගෙන යා නොහැකි බව ඔහු වැඩිදුරටත් සඳහන් කලා.
විනිසුරුවරයා අදාළ කරුණු සලකා බැලීමෙන් අනතුරුව හිටපු අමාත්‍යවරයාව ඔක්තෝම්බර් 30 දක්වා රක්ෂිත බන්ධනාගාරගත කරන ලෙස දන්වා සිටියා.