සීෂෙල්ස්හි නව නීතිපතිවරයා ලෙස ශ්‍රී ලාංකිකයකු වන වින්සන්ට් පෙරේරා ඉකුත් 16 දා රාජ්‍ය මන්දිරයේදී නීතිපතිවරයා ලෙස දිවුරුම් දී ඇති බව වාර්තා වනවා.
ශ්‍රී ලංකාවේ උපත ලැබු වින්සන්ට් පෙරේරා කොළඹ විශ්වවිද්‍යාලයෙන් නීති උපාධිය ලබා ගෙන ඇති අතර ශ්‍රේෂ්ඨාධිකරණයේ නීතිඥවරයකු ලෙස ද කටයුතු කර තිබේ. ඊට අමතරව ෆිජි හී නීතිඥවරයකු හා සොලිස්ටර්වරයකු ලෙස කටයුතු කර ඇති වින්සන්ට් පෙරේරා මහතා සිංගප්පූරුවේ සමථ මධ්‍යස්ථානයේ පිළිගත් මැදිහත්කරුවකු ලෙස ද සුදුසුකම් ලබා ඇති බව සඳහන් වේ.
සීෂෙල්ස් නීතිපතිවරයා ලෙස පත්වීමට පෙර වින්සන්ට් පෙරේරා මහතා සීෂෙල්ස්හි නීතිපති කාර්යාලයේ සිවිල් නඩු පැවරීමේ නීති උපදේශකයකු ලෙස කටයුතු කර තිබෙනවා.