හිටපු පාර්ලිමේන්තු මන්ත්‍රී සහ සමගි බලවේගයේ කඩුවෙල ආසන සංවිධායක හිරුණිකා ප්‍රේමචන්ද්‍ර සමගි ජන බලවේගයේ සමගි වනිතා බලවේගයේ ජාතික සංවිධායක ධූරයෙන් ඉවත්වෙන්න තීරණය කළ බව පවසා තිබෙනවා.
ඒ කොළඹ දී පැවති මාධ්‍ය හමුවකට සහභාගී වෙමින්.
කෙසේ වෙතත්, තමන් පක්ෂය හැර නොයන බවද ඈ පවසා තිබෙනවා. සජිත් ප්‍රේමදාස මහතාගේ පරාජයේ වගකීම, සජිත් ප්‍රේමදාස මහතාට ඉතාම සමීප පාර්ශ්ව විසින්, පක්ෂයේ බිම්මට්ටමේ නායකයන් පිට පැටවීම සම්බන්ධයෙන් තමන් කලකිරී සිටින බවද ඇය පවසා තිබෙනවා.
පසුගිය ජනාධිපතිවරණය පරාජය වීමට ආසන සංවිධායකයන් නිසි ලෙස කටයුතු නොකිරීම බවට සජිත් ප්‍රේමදාස මහතාගේ සමීපතමයකු චෝදනා කිරීම සම්බන්ධයෙන් දැඩි ලෙස කලකිරීමට පත් වූ බැවින් මෙලෙස එම ධූරයෙන් ඉවත් වීමට තීරණය කළ බවද ඇය පැවසුවාය.