මෙවර මහ මැතිවරණය සඳහා සමගි ජන සන්ධානයෙන් නාමයෝජනා සඳහා ඉදිරිපත්ව ඇති පුද්ගලයින් පිළිබඳව විවිධ පාර්ශව විසින් විරෝධතා මතුකර තිබුණා.
පක්ෂ නායක සජිත් ප්‍රේමදාසගේ උපදෙස් පරිදි එම විරෝධතා සහ ගැටලු පරීක්ෂා කොට වාර්තා කිරීමට හිටපු පාර්ලිමේන්තු මන්ත්‍රී ඉරාන් වික්‍රමරත්න මහතාගේ ප්‍රධානත්වයෙන් කමිටුවක් පත් කොට තිබෙනවා.
පක්ෂයේ මහලේකම් රංජිත් මද්දුම බණ්ඩාර විසින් එම කමිටුවට පත් කොට ඇති අතර සෙසු සාමාජිකයින් වන්නේ ජනාධිපති නීතිඥවරුන් වන ඩිනල් පිලිප්, නලින් දිසානායක සහ එස්.ඩ්.ජයනාථ යන අයයි.
කමිටු වාර්තාව වහාම පක්ෂයේ නාමයෝජනා මණ්ඩලය වෙත ලබාදෙන ලෙස උපදෙස් දී ඇත.