හිටපු ජනාධිපති රනිල් වික්‍රමසිංහගේ ආරක්ෂාව ඉවත් කර ඇති බවට පැතිර යන ප්‍රචාර සාවද්‍ය බවත් නිලධාරීන් 163 දෙනකු මේ වනවිටත් හිටපු ජනාධිපතිවරයාගේ ආරක්ෂාවට සිටින බවත් වැඩබලන පොලිස්පති නිතිඥ ප්‍රියන්ත වීරසුරිය පවසයි.
ඒ අතර පොලිස් විශේෂ කාර්ය බලකා නිලධාරීන් 50 දෙනෙකු, ප්‍රභූ ආරක්ෂක නිලධාරීන් 06 දෙනෙකු සහ ස්ථාන මාරුවීම් ලද නිලධාරීන් පිරිසක් ද ඇතුළත් වන බව පැවැසේ.
කෙසේවෙතත් වහාම ක්‍රියාත්මක වන පරිදි හිටපු ජනාධිපති රනිල් වික්‍රමසිංහගේ ආරක්ෂාවට යොදවා සිටි ආරක්ෂකයන් 300කට වැඩි පිරිසක් ඉවත්කර ඇති බව ඔහුට සමීප ආරංචිමාර්ග ජනමාධ්‍ය වෙත වාර්තා කර තිබිණි.