පළාත් ආණ්ඩුකාරවරුන් සිව්දෙනෙකු සිය ධූරවලින් ඉල්ලා අස් වී තිබෙනවා.
උතුරු මැද පළාත් ආණ්ඩුකාර මහීපාල හේරත් සහ සබරගමු පළාත් ආණ්ඩුකාර නවීන් දිසානායක යන මහත්වරුන් එලෙස සිය ආණ්ඩුකාර ධූරවලින් ඉල්ලා අස් වී ඇති බව සඳහන්.
මධ්‍යම පළාත් ආණ්ඩුකාර නීතීඥ ලලිත් යූ. ගමගේ මහතා ද ආණ්ඩුකාර ධූරයෙන් ඉල්ලා අස් වී තිබෙනවා.
එමෙන්ම ඌව පළාත් ආණ්ඩුකාර අනුර විදානගමගේ මහතා ද සිය ධුරයෙන් ඉල්ලා අස්වී ඇති බවයි වාර්තා වන්නේ.
ඔවුන් හිටපු ජනාධිපති රනිල් වික්‍රමසිංහ මහතා වෙත ලිපියක් යොමු කරමින් සිය ඉල්ලා අස්වීම සම්බන්ධයෙන් දැනුම් දී තිබෙනවා.